6 முதல் 12 ஆம் வகுப்பு வரை அரையாண்டு தேர்வு கால அட்டவணையும் விடுமுறை நாட்களும் வெளியீடு

2024-2025 ஆம் கல்வியாண்டில் பயிலும் 6 முதல் 12 ஆம் வகுப்பு மாணவர்களுக்கான அரையாண்டு தேர்வு கால அட்டவணை இன்று வெளியிடப்பட்டுள்ளது இது குறித்து தமிழ்நாடு பள்ளிக் கல்வி இயக்குநர் செய்தி குறிப்பு ஒன்றை வெளியிட்டுள்ளார்.

அதில், “பள்ளிக் கல்வித்துறையின் கீழ் செயல்படும் அரசு, அரசு உதவி பெறும் மற்றும் தனியார் பள்ளிகளில் 2024-2025 ஆம் கல்வியாண்டில் பயிலும் 6 முதல் 12 ஆம் வகுப்பு மாணவர்களுக்கான அரையாண்டு தேர்வு கால அட்டவணை பள்ளிக் கல்வித்துறையின் சார்பில் வெளியிடப்பட்டுள்ளது.

ஆகவே, இது குறித்து அனைத்து மாவட்ட முதன்மை கல்வி அலுவலர்களும், தங்களது மாவட்டத்தில் உள்ள அனைத்து வகை உயர்நிலை மற்றும் மேல்நிலைப் பள்ளிகளின் தலைமையாசிரியர்கள் மற்றும் முதல்வர்களுக்கு தெரிவிக்குமாறு கேட்டுக் கொள்ளப்படுகிறார்கள்” என்று தெரிவிக்கப்பட்டுள்ளது.

முன்னதாக 10, 11, 12 ஆகிய வகுப்புகளுக்கான அரையாண்டு தேர்வு அட்டவணை பள்ளிக் கல்வித்துறையால் வெளியிடப்பட்டது. அதன்படி, 10ஆம் வகுப்பிற்கு டிசம்பர் 10ஆம் தேதி தொடங்கி 23ஆம் தேதி வரை நடைபெறும் என அறிவிக்கப்பட்டுள்ளது. 11 மற்றும் 12ஆம் வகுப்பிற்கு டிசம்பர் 9ஆம் தேதி தொடங்கி 23ஆம் தேதி வரை தேர்வுகள் நடத்தப்படவுள்ளன.

இதையடுத்து விடுமுறை தொடங்கி விடுகிறது. டிசம்பர் 24 செவ்வாய் அன்று தொடங்கி ஜனவரி 1, 2025 புதன் வரை 9 நாட்கள் அரையாண்டு விடுமுறை கிடைக்கவுள்ளது. இன்னும் இரண்டு நாட்கள் (வியாழன், வெள்ளி) சேர்த்தால் மொத்தம் 11 நாட்கள் விடுமுறை கிடைக்கும். இருப்பினும் இதுதொடர்பான அதிகாரப்பூர்வ அறிவிப்பிற்காக காத்திருக்க வேண்டியுள்ளது.

6 முதல் 9 ஆம் வகுப்பு மாணவர்களுக்கான கால அட்டவணை:

10ஆம் வகுப்பு மாணவர்களுக்கான கால அட்டவணை:

11ஆம் வகுப்பு மாணவர்களுக்கான கால அட்டவணை:

12ஆம் வகுப்பு மாணவர்களுக்கான கால அட்டவணை: