தமிழகத்தை நெருங்கி வரும் காற்றழுத்த தாழ்வுப்பகுதியால் சென்னை உட்பட திருவள்ளூர் முதல் கன்னியாகுமரி வரை கனமழை பெய்யும் என தனியார் வானிலை ஆர்வலரான செல்வகுமார் தெரிவித்துள்ளார்.
தனியார் வானிலை ஆர்வலர் செல்வகுமார்
தனியார் வானிலை ஆர்வலரான செல்வகுமார் வடகிழக்கு பருவமழை வரும் நாட்களில் மீண்டும் தீவிரமடையும் என தெரிவித்துள்ளார். இது தொடர்பாக அவர் வெளியிட்டுள்ள வீடியோவில் மழை குறித்த பல்வேறு தகவல்களை கூறியுள்ளார். அதன்படி, வங்கக்கடலில் உருவாகியுள்ள காற்றழுத்த தாழ்வு பகுதி இனி மேற்கு திசை நோக்கி நகர தொடங்கும். நாளை அதிகாலை நாளை அதாவது 11ஆம் தேதி அதிகாலை டெல்டா மாவட்ட ங்களுக்கும் காலை மற்றும் மதிய வேளையில் வடகடலோர மாவட்டங்களுக்கும் மழை பொழிவை கொடுக்கும் வகையில் நெருங்கி வரும்.
நாளை முதல் தீவிரமழை
கரையை நெருங்கும் போது நன்குமைந்த காற்றழுத்த தாழ்வு பகுதியாகவும் கரையை தொட்டதும் காற்றழுத்த தாழ்வு மண்டலமாகவும் மாற வாய்ப்புள்ளது. பின்னர் டெல்டா மாவட்டங்கள் வழியாக மேற்கு நோக்கி நகரும். புதன்கிழமை 11 ஆம் தேதியான நாளை மழைப்பொழிவை தொடங்கும். இந்த மழைப்பொழிவு டெல்டா மாவட்டங்கள் மற்றும் வடகடலோர மாவட்டங்களில் படிப்படியாக தீவிரமடையும். இந்த மழைப்பொழிவு தொடர் கனமழையாக இருக்கும்.
12 ஆம் தேதி அதிகனமழை
இதனைத் தொடர்ந்து 12 ஆம் தேதி வியாழக்கிழமை திருவள்ளூர் முதல் ராமநாதபுரம் வரை மழைப்பொழிவு இருக்கும். கன மழை முதல் மிக கனமழை பெய்யும் இடங்களில் அதிகனமழையும் பெய்யும். 12ஆம் தேதி மழைப்பொழிவு தீவிரமடையும் நிலையில் கர்நாடக எல்லையோர பகுதிகளிலும் மழைப்பொழிவு தொடங்கும். ஆந்திரா எல்லையோர பகுதிகளிலும் கனமழை இருக்கும் இந்த காற்றழுத்த தாழ்வு மண்டலம் 13ஆம் தேதி கரையை கடந்து உள் மாவட்டங்களில் 14-ஆம் தேதியும் அரபிக்கடலை 15ஆம் தேதியும் அடையும்.
கன்னியாகுமரி முதல் திருவள்ளூர் வரை கனமழை
மேற்கு நோக்கி நகரும் போது கன்னியாகுமரி முதல் திருவள்ளூர் வரை தொடர் கனமழையை கொடுக்கும். ஒரு சில இடங்களில் அதிக கனமழையையும் கொடுக்கும். 11ஆம் தேதி மழை தொடங்கும். 12ஆம் தேதி மழை தீவிரமடையும். 12ஆம் தேதி கடலோரத்தில் இருந்து உள் மாவட்டங்களுக்கு பயணிக்கும். 15 ஆம் தேதி அரபிக் கடலில் பயணிக்கும். தமிழகம் வழியாக மேற்கு மாவட்டங்கள், மேற்கு தொடர்ச்சி மலைப்பகுதி மற்றும் கேரளா வழியாக அரபிக்கடலை சென்றடையும்.
டெல்டா மாவட்டங்கள்
இந்த காற்றழுத்த தாழ்வு பகுதி டெல்டா மாவட்டங்களை மையமாக வைத்து வட மாவட்டங்களுக்கும் தென் மாவட்டங்களுக்கும் நல்ல மழை பொழிவை கொடுக்கும். இந்த மழை டெல்டா மாவட்டங்களில் பயிர்களுக்கு பாதிப்பை ஏற்படுத்தும். ஏற்கனவே வெள்ளம் பாதித்த கடலூர் விழுப்புரம் புதுச்சேரி திருவண்ணாமலை கள்ளக்குறிச்சி போன்ற மாவட்டங்களில் மழை இருந்தாலும் ஏற்கனவே பெய்தது போல 50 சென்டிமீட்டர் அளவுக்கு பெய்தது போல் பெய்து பாதிப்பை ஏற்படுத்தாது. அச்சுறுத்தும் மழையாக இருந்தாலும் அச்சப்பட வேண்டாம்.
புதிய காற்றழுத்த தாழ்வு மண்டலம்
இந்த காற்றழுத்த தாழ்வுப்பகுதி காரணமாக தமிழக கடலோர மாவட்டங்களான திருவள்ளூர் முதல் கடலூர் ராமநாதபுரம் வரை நல்ல மழை பெய்யும், இந்த காற்றழுத்த தாழ்வு பகுதியை தொடர்ந்து அடுத்து ஒரு காற்றழுத்த தாழ்வு பகுதி உடனடியாக வங்க கடலில் உருவாக உள்ளது. அந்த காற்றழுத்த தாழ்வு பகுதி தான் காற்றழுத்த தாழ்வு மண்டலாக மாறி அதிக கன மழையை கொடுக்கும்.
அனைத்து மாவட்டங்களிலும் மழை
இதன் காரணமாக வட கடலோர மாவட்டங்கள், வட உள் மாவட்டங்கள், டெல்டா மாவட்டங்கள் அதனை ஒட்டிய மாவட்டங்களிலும் நல்ல கனமழையை கொடுக்கும். இந்த காற்றழுத்த தாழ்வு மண்டலம் தென் மாவட்டங்களிலும் நல்ல மழை பொழிவை கொடுக்கும். அந்த காற்றழுத்த தாழ்வு மண்டலமும் டெல்டா மாவட்டங்கள் வழியாக மேற்கு தொடர்ச்சி மலை வழியாகதான் அரபிக் கடலை அடையும். இந்த காற்றழுத்த தாழ்வு மண்டலம் காரணமாகவும் அனைத்து மாவட்டங்களிலும் நல்ல மழை பொழிவு இருக்கும் என தனியார் வானிலை ஆர்வலரான செல்வகுமார் தெரிவித்துள்ளார்.
