புதுக்கோட்டை அரைக்காசு அம்மன் சிறப்பு

புதுக்கோட்டை சமஸ்தானத்தின் குலதெய்வம்

தமிழகத்தில் பிரபலமான சமஸ்தானமான புதுக்கோட்டை சமஸ்தானத்தின் குலதெய்வமாக விளங்குபவள் அன்னை பிரகதாம்பாள்! திருகோகர்ணத்தில் உள்ள அன்னையின் ஸ்தலத்திற்கு சென்று வழிபடாமல் அரச குடும்பினர்கள் எந்த காரியத்திலும் ஈடுபட மாட்டார்கள். வருடா வருடம் அன்னைக்கு திருவிழா எடுத்து ஊரில் உள்ள பொதுமக்களுடன் உற்சாகமாக கொண்டாடியுள்ளனர். இந்த குடைவரை கோயில் கி.பி 7 ஆம் நூற்றாண்டு காலத்திற்கும் முற்பட்டது என்று கூறப்படுகிறது.

சிவபெருமான் காமதேனுவுக்கு சாப விமோசனம் அருளிய ஸ்தலம்

இந்திரன் கொடுத்த சாபத்தினால் பூலோகத்திற்கு வந்தடைந்தது காமதேனு. கபில் மற்றும் மங்கள மகரிஷியின் சொல்படி காமதேனு தினமும் கங்கையில் இருந்து நீர் கொண்டு வந்து சிவலிங்கத்திற்கு அர்ச்சனை செய்ததாம். புலி உருவத்தில் வந்த சிவபெருமான் காமதேனுவை சோதித்து பார்த்து அதற்கு சாப விமோசனம் அளித்த திருத்தலம் இது. சிவபெருமானும் மங்களநாயகியாக அன்னை பிரகதாம்பாளும் பிரதான தெய்வங்கள் ஆகும். மேலும், வேறு எங்கும் இல்லாத சிறப்பம்சமாக இந்த கோயிலில் மாடி உள்ளது. மாடியில் முருகப்பெருமான் வள்ளி தெய்வானையுடன் பக்தர்களுக்கு அருள் பாலிக்கிறார்.

தொலைந்த பொருட்களை மீட்டுத்தரும் அரைக்காசு அம்மன்

ஒருமுறை புதுக்கோட்டையை ஆண்ட விஜய நகரப் பேரரசர் ஒரு முக்கிய ஆவணத்தை இழந்தார். அதைக் கண்டுபிடிக்க அவர் எடுத்த முயற்சிகள் அனைத்தும் பயனற்றவை. பின்னர் அதை மீட்டெடுக்க பிரகதாம்பாள் அம்மனிடம் பிரார்த்தனை செய்தார். அம்மன் அவரது விருப்பத்தை நிறைவேற்றினார், காணாமல் போன ஆவணம் கிடைத்தது. மன்னன் மிகவும் மகிழ்ச்சியடைந்து, தனது நன்றியை தெரிவிக்கும் வகையில், அரைக்காசு நாணயத்தின் ஒரு பக்கத்தில் பிரகதாம்பாளின் படத்தை பொறித்து, பண்டிகை சமயங்களில் அந்த நாணயங்களை குடிமக்களுக்கு விநியோகம் செய்தார். அந்த நாட்களில் அரைக்காசு நாணயங்கள் அரை வட்ட வடிவில் வடிவமைக்கப்பட்டன. அன்றிலிருந்து அம்மன் “அரைக்காசு அம்மன்” என்று அழைக்கப்படுகிறாள்.

சென்னையில் அன்னையின் திருவிளையாடல்

ரத்தினமங்கலத்தில் உள்ள லட்சுமி குபேரர் கோயிலில் நடைபெறும் வருடாந்திர திருவிழாவில் ஸ்ரீ லக்ஷ்மியின் மிகவும் விலையுயர்ந்த மற்றும் மதிப்புமிக்க ஆபரணம் தொலைந்து போனது. எங்கு தேடியும் கிடைக்காததால் மனமுடைந்த கோயில் நிர்வாக அறங்காவலர், அரைக்காசு அம்மனிடம் பிரார்த்தனை செய்து, காணாமல் போன ஆபரணத்தை கண்டுபிடித்தால், அவளுக்கு பீடம் கட்டுவதாக வேண்டிக் கொண்டாராம். என்ன அதிசயம், ஆபரணம் கிடைத்து விட்டதாம். நன்றி சொல்லும் விதமாக லட்சுமி குபேரர் கோவிலுக்கு மிக அருகில் அரைக்காசு அம்மனுக்கு ஒரு பீடத்தை எழுப்பினார்.

கூட்டம் கூட்டமாக மக்கள் வந்து வேண்டுகின்றனர்

அந்த காலத்தில் இருந்தே புதுக்கோட்டை மற்றும் அதன் சுற்று வட்டார பகுதிகளில் உள்ள மக்கள் தொலைந்த மற்றும் தவறவிட்ட பொருட்களை மீட்டெடுக்க அரைக்காசு அம்மனிடம் பிரார்த்தனை செய்யத் தொடங்கினர். இழந்த பணத்தை மீட்டுத் தருதல், திருமணம், குழந்தைப் பிறப்பு, குடும்ப உறுப்பினர்களின் ஒன்றுகூடல் போன்ற பல விஷயங்களுக்காக மக்கள் இங்கு வந்து மனமுருகி வேண்டி செல்கின்றனர். பலன் பெற்ற மக்களின் பிரார்த்தனைகளுக்கு அரைக்காசு அம்மன் அளித்த பதில்கள் பற்றிய பல நிகழ்வுகள் பதிவாகியுள்ளன.

நிவேதனமாக வெல்லத்தில் விநாயகர்

அம்மனை வழிபட்டால், மறதியால் அல்லது தவறவிட்ட பொருட்களை கண்டுபிடிக்கலாம் அல்லது குடும்பத்தில் காணாமல் போனவர்கள் பத்திரமாக திரும்பி வருவார்கள் என்பது பக்தர்களின் நம்பிக்கை. இழந்த பொருள் திரும்பக் கிடைத்தவுடன், வெல்லத்தில் விநாயகரை உருவாக்கி, காய்ந்த இஞ்சி, வெல்லம் சேர்த்து பானகம் செய்து நிவேதனம் செய்வார்கள். மேலும் எலுமிச்சை மாலை அணிவித்து, அம்பிகா அஷ்டோத்திரம் கூறி வேண்டுவதும் இங்கு வழக்கமாகும்.

இந்த கோவிலுக்கு எப்படி செல்வது?

நீங்கள் இழந்த பொருட்களை திரும்ப பெற, குடும்பத்தில் மகிழ்ச்சி நிலவ, கணவன் மனைவி ஒற்றுமை மேம்பட, திருமணத்தடை நீங்க இக்கோயிலுக்கு வருகை தாருங்கள். புதுக்கோட்டை மையத்தில் இருந்து சுமார் ஒன்றரை கிமீ தொலைவில் திருகோகர்ணத்தில் இத்திருத்தலம் அமைந்துள்ளது. ராமநாதபுரம், சிவகங்கை, தஞ்சாவூர் மற்றும் அருகிலுள்ள மாவட்டங்களில் இருந்து பேருந்து மூலம் எளிதில் புதுக்கோட்டையை அடையலாம்.

தொலைந்த பொருள் கிடைக்கா

அரைக்காசு அம்மனை நினைத்து, எந்த தொலைந்த பொருள் கிட்ட வேண்டும் என மனமுருகி நேர்ந்து கொண்டால் தொலைந்த பொருள் உடனே கிட்டிவிடும் அற்புதம் இன்றும் நிகழ்கிறது. அம்பிகையை சரணடைந்தால் அதிக வரம் பெறலாம் என்பது நம்பிக்கை.

பக்தர்களின் நம்பிக்கை

ஒரே இடத்தில், சுற்றிலும் நூற்றியேழு அம்மன்கள் அருள, நடுநாயகமாக அரைக்காசு அம்மன் எனும் பிரகதாம்பாள் கொலுவீற்றிருக்கும் ஆலயத்தை தரிசித்தால் வரமருளும் அன்னையின் பாசத்தில் மூழ்கலாம் என்பதும் பக்தர்களின் அனுபவ நம்பிக்கை. கை தவறியோ அல்லது மறந்தோ எங்கேனும் வைத்துவிட்ட பொருளை இந்த அரைக்காசு அம்மனை நினைத்து, ‘அம்மா உனக்கு வெல்லம் கரைத்து வைக்கிறேன். எனக்கு தொலைந்த பொருள் கிட்ட வேண்டும்‘ என மனமுருகி நேர்ந்து கொண்டால் தொலைந்த பொருள் உடனே கிட்டிவிடும் அற்புதம் இன்றும் நிகழ்கிறது.

இணையான ஆலயம்

புதுக்கோட்டையில் உள்ள பிரகதாம்பாள் ஆலயத்திற்கு சென்று வழிபடமுடியாத அன்பர்கள் இந்த ஆலயத்தின் நாயகியை வணங்கி வாழ்வில் வளம் பெறுகின்றனர். தொலைந்த பொருள் கிடைக்க மட்டும் அல்ல, புத்தி, உடல்நலம், நிம்மதியான மணவாழ்வு, மகப்பேறு, என்று எல்லாமும் அருள்பவள் இந்த அன்னை.

கொல்கொத்தா காளி, ஆயிரங்கை காளி, கல்யாண மாரியம்மன், ராகு-கேது தோஷம் போக்கும் நாகாத்தம்மன், கருமாரியம்மன், பத்மாவதி, வகுளாதேவி ஆகியோருடன் துலங்கும் இக்கோயில் வண்டலூர் மிருகக்காட்சி சாலையிலிருந்து 5 கி.மீ தொலைவில் கேளம்பாக்கம் செல்லும் பாதையில் உள்ளது.